Tushirikiane Ili Tulete Mapinduzi Ya Kielimu;SHEIKH KAPORO

 SHEIKH ABDALLAH NAHD AMBAYE NI MGENI RASMI KATIKA HAFLA HIYO AKITOA NASAHA ZAKE.

Waislamu nchini wametakiwa kushikamana ili kupata mapinduzi ya elimu.

Wito huo umetolewa na Sheikh Athman Kaporo alipokuwa anahutubia katika hafla fupi ya kuwakabjdhi vyeti na zawadi washindi wa mitihani ya Madrasa za mkoa wa Dar es salaam zilizofanyika katika jana katika shule ya DYCCC iliyopo Chang’ombe.

Amesema “kazi inayofanywa na waalimu wa madrasa hapa chini ni kubwa,pia kazi inayofanywa na baadhi ya wapenda kheri ni kubwa,sasa ili tulete mapinduzi ya kweli katika elimu ni lazima tushirikiane kwa pamoja”

Aliongeza kwa kusema“Leo vijana hawa wameonyesha uwezo mkubwa sana,tena wana vipaji vya hali ya juu,ninaamini iwapo tutashirikiana kuwaendeleza miongoni mwa vijana hawa watakuwa ni viongozi bora katika miaka ijayo”alisema.

Alisema kutokana na mazingira ya dunia yalivyo waislamu hawana budi kuleta mapinduzi ya kielimu,lakini hili si jukumu la mtu mmoja au taasisi moja bali ni lazima kuwepo kwa mashirikiano mema na mazuri kwa wadau wote wa elimu ya kiislamu.

Wakati huo huo mwenyekiti wa kamati ya zakah na sadaka ya DYCCC Sheikh Abdallah nahd ambaye alikuwa mgeni rasmi katika hafla hiyo amesema,kamati yake inaridhishwa na juhudi zinazofanywa na Idara ya madrasa ya DYCCC na kuahidi wataendelea kushirikiana nao zaidi.

Katika hafla hiyo washindi wa mitihani hiyo mbali ya kukabidhiwa vyeti maalumu lakini pia walipewa zawadi mbali mbali zikiwemo vyarahani,feni,saa za ukutani na pesa taslimu.

 

 SHEIKH ATHMAN KAPORO WAKATI ANAFIKISHA UJUMBE KWA WAZAZI WALIOHUDHURIA HAFLA YA KUKABIDHI VYETI NA ZAWADI KWA WASHINDI WA MITIHANI YA WANAFUNZI WA MADRASA ZA MKOA WA 
DAR ES SALAAM.

 

 BINT MDOGO AKIWA NI MMOJA MIONGONI MWA WASHINDI WALIOJINYAKULIA CHARAHANI,MUDA MFUPI BAADA YA KUKABIDHIWA NA MGENI RASMI SHEKIKH ABDALLAH NAHD ALIYEVAA KOTI JEUSI.

 BAADHI YAWANAFUNZI WALIOSHIRIKI HAFLA HIYO.

 KATIBU WA IDARA YA MADRASA SHEIKH RAMADHAN KWANGAYA AKIMKABIDHI MGENI RASMI RISALA MUDA MFUPI BAADA YA KUISOMA.

 MWENYEKITI WA IDARA SHEIKH OMAR AWADH AKITETA JAMBO NA MGENI RASMI SHEIKH ABDALLAAH NAD.

 SHEIKH SAID BAWAZIR AMBAYE NI MJUMBE WA KAMATI YA IDARA YA MADRASA.

 MWENYEKITI WA IDARA YA MADRASA SHEIKH OMAR AWADHI AKIMKABIDHI MGENI RASMI SHEIKH ABDALLAH NAHD ZAWADI MAALUMU YA VITABU.

 BAADHI YA WAZAZI NA WAALIMU WALIOHUDHURIA HAFLA HIYO.