Home

PASOFA CAMP WAUKARIBISHA MWEZI MTUKUFU WA RAMADHAN.

• SHEIKH KWANGAYA AHIMIZA KUMPENDA MTUME S.A.W
• TAASISI YA MUNIIRA MADRASA YAGUSWA NA KUWAZAWADIA VITABU

Na mwandishi wetu wa munirablog

Imezoeleka kwamba makemp (Camps) mbalimbali imekuwa ni kichaka cha vijana kufanya uhalifu na uchafu mbalimbali ikiwemo mmomonyoko wa maadili,lakini hali hiyo ni kinyume kabisa kwa PASOFA CAMP ya Magomeni Makuti Jijini Dare s salaam baada ya jana usiku kufanya hafla fupi ya kuukuaribisha mwezi mtukufu Ramadhan.

Hafla hiyo iliyofanyika katika mtaa wa Kisangiro iliambatana na kumswifu Mtume S.a.w

(Mulid) ambapo Madrasa mbalimbali zilihudhuria na kuimba Qaswida zenye ujumbe maridhawa.

Akiongea na mwandishi wa munirablog,Katibu Mkuu wa PASOFA CAMP (Pamoja Sote ni Familia) Faqihi Issa alisema “Camp yetu ni tofauti kabisa na Camps nyengine,sisi tunajishuguhulisha na kukataza mabaya na kuamrisha mema,lakini pia tunajishughulisha na kusaidiana sisi kwa sisi kwa mambo ya huzuni au afuraha”mwisho wa kumnukuu.

PASOFA CAMP imeanzishwa mwaka 2003 na sasa inawanachama 33 wanaume watupu,”Sehemu kubwa ya wanachama wetu walikuwa ni wanafunzi wa Madrasat Mujitahida chini ya Ustaadh Ahmad Mcheni katika miaka ya tisini kwa hiyo tunawatoa wasiwasi jamii sisi sio kemp za kihuni hivyo wasisite kutuunga mkono”alisisitiza.

Awali akizungumza katika hafla hiyo,Mhadhiri mwenye mvuto kwa vijana Sheikh Ramadhan Kwangaya aliwaasa Waislamu kuwa na utamaduni wa kumpenda Mtume Muhammad S,A,W.

“Ndugu zangu waislamu,tukae tukifahamu,hakuna chenye thamani katika ulimwengu huu kama kumpenda Mtume s.a.w.,ukimpenda mtume kwa dhati kabisa,kwanza utamfuata,kaini pia hautokubali kuona Mtume wako anasemwa vibaya au anadhalilishwa kwa namna yoyote,nawaomba tuonyeshe mapenzi yetu kivitendo”mwisho wa kumnukuu.

Katika hatua nyengine,Taasisi ya Muniira Madrasa And Islamic Propagation Association ya magomeni makuti,imewazawadia PASOFA CAMP  vitabu vya Jifunze Swala za Faradhi kwa njia nyepesi. Kwa lengo la kuwapapanua kimaarifa.

Zawadi hizo zilikabidhiwa na Sheikh Ramadhan Kwangaya ambae pia ni Mshauri Mkuu wa Elimu katika Taasisi hiyo.

“Tumeguswa na hatua ya vijana hawa kuwa na Camp yenye malengo ya kukatazana mabaya na kuamrishana mema,tukaona tuwaunge mkono japo kwa kuwapa vitabu vichache”alisema ustaadh ally salum jongo ambaye ni mwenyekiti wa taasisi ya muniira madrasa wakati akiongea na munirablog.

 SHEIKH KWANGAYA AKIONGEA NA WAISLAMU KATIKA HAFLA YA KUUKARIBISHHA MWEZI WA RAMADHAN JANA USIKU HAFLA ILIYOANDALIWA NA PASOFA CAMP YA MAGOMENI MAKUTI.

 KATIBU MKUU WA PASOFA CAMP FAQIH ISSA AKIPOKEA ZAWADI YA VITABU KUTOKA KWA SHEIKH KWANGAYA,ZAWADI HIYO ILITOLEWA NA TAASISI YA MUNIIRA MADRASA.
KATIKATI NI IMAMU MKUU WA MASJID TAWWAAB YA MAGOMENI MAKUTI USTAADH ABDUL SHAKUUR FADHIL

 SHIKH KWANGAYA AKIWA NA BAADHI YA VIONGOZI WA PASOFA CAMP,KUSHOTO NI MLEZI WA CAMP HIYO USTAADH AHMAD MCHENI NA KULIA NI KATIBU MKUU FAQIH ISSA.