HOME'

WAISLAMU NAWAUSIA MAMBO MATANO-AL ALLAAMA SHEIKH MUHARRAMA JUMA DOGA.

• PIA ATOA MSIMAMO KUHUSU MUANDAMO.

Na mwandishi wetu wa munirablog.

Waislam nchini wamepewa nasaha kwa minajili ya kuutumia vyema Mwezi Mtukufu wa Ramadhan ambao unatarajiwa kuanza masaa machache kama si siku mbili kutoka leo INSHAA ALLAH.

Nasaha hizo zimetolewa Asubuhi ya leo hii na Al Allaama Sheikh Muharram Juma Doga alipokuwa anazungumza na mwandishi wa munirablog alipomtembelea ofisini kwake katika shule ya Al Haramain Jijini Dar es salaam.

Amesema “huu ni mwezi ambao tunatarajia kila mwenye madhambi yake,ALLAAH atamfutia basi nachukuwa fursa hii kupitia chombo chako (munirablogspot)ambacho kimeaanza kutegemewa na Waislamu kuwausia ndugu zangu mambo matano”.mwisho wa kumnukuu.

Kwanza kila muislamu afahamu ya kwamba umri ni dhamana ya Mwenyezi Mungu,hivyo ni muhimu kujiibiidisha na ibada sambamba na kuomba Maghfira ili Ramadhan ikiisha nasi tuwe tumepata msamaha wa ALLAAH,itakuwa ni khasara Ramadhan inakwisha na bado tumebakiwa na mizigo yetu ya madhambi,alisema.

Aliendelea kusema kwamba jambo la pili ni tusamaeheane,kwani msamaha ni kitengo kikubwa sana katika uislam,tujuwe kwamba hakuna mkamilifu ila ALLAAH pekee.

Jambo la tatu tuache migogoro binafsi na tuendelee na Uislamu wetu uliotukusanya.

Jambo la nne “tumuombe Mungu atuhifadhie na atulindie Amani yetu tuliyo nayo,ndugu mwandishi sehemu yoyote isiyo na amani hakuna ibada” alisisitiza.

Alikhitimisha usia wake kwa kuwataka waislamu kuombeana kheri.

Kwa upande mwengine alipokuwa anajibu swali la mwandishi wa munirablog aliyetaka kujuwa juu ya msimamo wake kuhusu tofauti ya muandamo wa mwezi,Sheikh Doga alisema,Ulimwengu ni mmoja,hakuna mwezi zaidi ya mmoja,hivyo basi pale unapoonekana sehemu moja ni jukumu la waliouona kuwafahamisha wengine wa dunia mzima ili na wao wafunge,msimamo wangu ndiyo msimamo wa abuu Hanifa,Imam malik,Imam Shaffii na Imama Ahmad,wao kwa kwa pamoja walishikamana katika msimamo huo japo wafuasi wao walitofautiana,mwisho wa kumnukuu.