Munira Blog

TUWEKEZE KATIKA MALEZI YA WATOTO WETU.

Na mwandishi wetu wa munirablog

Wazazi na walezi wa kiislamu wamenasihiwa kuwekeza kwa hali na mali katika malezi mema ya kiislamu kwani jamii inategemea malezi mema ili tuwe na taifa lenye maadili mema.

Nasaha hizo zimesemwa leo hii na Shekh Yasir Salim ambaye alikuwa mgeni rasmi katika Tamasha la Elimu kwa wanafunzi wa Madrasat Mus ab Bin Umayr iliyopo Sinza maeneo ya Sweat Conner jijini Dar es salaam.

Sheikh Yasir ambaye ni katibu mkuu wa HAY-ATUL ULAMAA   alisema "jukumu la malezi ni letu sisi viongozi wa familia na viongozi wa dini,hivvo tunatakiwa tuwekeze kwa hali na mali ili tufikia malengo ya kuumbwa kwetu.

Akinukuu maneno ya Mtume S.A.W, Sheikh Yasir alisema "Dinar (shilingi) iliyokuwa bora ni ile uliyoiwekeza katika familia yako",akiamaanisha kutumia pesa yako kumuhudumia mtoto wako katika nyanja ya elimu,afya,malazi n.k

Ndugu zangu tunatakiwa tuwekeze katika malezi ya kiroho,kiakili na kimwili,billa ya hivyo hata ile dhana ya kuwa na Madrasa bora kama hii itakuwa haina maana.

Kwa upande wake Sheikh Abdallaah Haruna akiongea na Waislamu hao alisema imefika wakati tusione taabu kutumia gharama ili tupate mafundisho au utaalamu wa watu wenye elimu bobezi.

Tumekuwa na utamaduni usiokuwa mzuri wa kukubali kuwatumia waalimu au wataalamu wasiokuwa na umahiri au uwezo kwa kukwepa gharama au kwa sababu zisizo kuwa na msingi matokeo yake kila kukicha tuna zalisha wanafunzi au wataalmu wasio kuwa na sifa sahihi.

Aliendelea kusema kwa kutoa mfano,"hebu ona wenzetu wa Marekani hawaangalii rangi wala  Dhehebu,wana mchukua Profesa Ibrahim Lipumba na kumpa vipindi kadhaa kufundisha huku wakimlipa kwa gharama kubwa sana,wao wanaamini elimu bora ndiyo ufunguo sahihi wa maendeleo ya kweli,sasa wakati wao wanawachukuwa wataallamu wetu sisi wenyewe hatujishughulishi na hilo.aliwaasa waislamu kutoogopa gharama katika hilo."

 Akiongea na blog ya munira Bwana Yasin Shaaban Bakar ambae ni mzazi katika Madrasa hiyo alisema "juhudi inayofanywa na madrasa hii ni kubw sana na inafaa kuungwa mkono,mwandishi wa habari hebu tazama leo watoto wamesoma kwa uwezo mkubwa sana wamezungumza historia ya Mtume S.A.W. na maswahaba kama kwamba wamewaona,hili ni jambo la kuungwa mkono,sisi tumesoma enzi zetu tukatufundishwa Qur aan tena bila tafsir lakini leo mtoto mdogo anafundishwa masomo tisa na anayamudu"mwisho wa kumnukuu.

"kwa kweli elimu inayotolewa hapa ni mzuri sana nafikiri mwandishi wa habari umeshuhudia namna mashindano yalivyokwenda kila mtoto kaonyesha kuiva kimasomo,hata wale walioshindwa kujibu baadhi ya maswali ni kutokana na woga sio kwamba hawajuwi,lakini kubwa kinachotofautisha madrasa hii na madrasa nyengine ni kitu kimoja,madrasa nyingi wanawahifadhisha masomo wanafunzi kwa ajili ya shughuli,lakini hawa wanasoma kile ambacho wanafundishwa kwa mujibu wa mtaala wao",alisema i Khadija Muhammad Said na kuungwa mkono na bi Asha Omar Rajabu ambao wote ni wazazi.

kwa upande wake mtoto Yusuph Faisal (12) ambaye ndiye mshindi wa kwanza katika Swaffu Rraabi'u( Darasa la nne) alisema "kwa kweli nilikosa muda wa kujiandaa kutokana na kubanwa na masomo ya shule (anasoma darasa la sita katika shule ya msingi luqman sinza palestina) lakini nilifurahi sana baada ya kutangazwa kuwa nimeshinda,naamini mungu amejibu dua yangu,kwani ustaadh wangu aliniambia niombe dua kabla ya kupanda jukwaan",alisema. 

mama mzazi wa mtoto huyo salma yusuf bakar alionyesha wazi furaha yake baada ya kusema "kwa kweli furaha yangu ni kubwa mno,sikutegemea hata kidogo,kwani mwaka jana alikuwa mshindi wa tano,sikutegemea kwa kuwa kwanza mwanangu ni mtundu sana lakini pia tuition (masomo ya ziada) zinambana sana kwa weli walimu wamefanya kazi kubwa sana,nina ahidi kumuendeleza Inshaa Allah. 

katika hafla hiyo mgeni rasmi aligawa zawadi mbalimbali kwa washindi. 

KATIBU MKUU WA TAASISI YA HAY-ATUL ULAMAA SHEIKH YASIR SALIM AMBAYE ALIKUWA MGENI RASMI KATIKA TAMASHA LA ELIMU KWA WANAFUNZI WA MADRASAT MUS-AB BIN UMAYR,AKIONGEA NA WAISLAMU WALIOHUDHURIA TAMASHA HILO MUDA MFUPI BAADA YA KUGAWA ZAWADI KWA WASHINDI.

***********************************************************************************

PICHA NA MATUKIO YA TAMASHA LA ELIMU LA MADRASAT MUS-AB BIN UMAYR

ILI PICHA IPENDEZE,ILIMLAZIMU MGENI RASMI ACHUCHUMAE ILI ALINGANE KIMO NA MTOTO FATMA YAHYA RAMADHAN (MIAKA MITATU) AMBAYE NI MSHINDI WA KWANZA KATIKA DARSA LAKE LA JIM BAUN 

MAJAJI WAKIFUATILIA MCHAKATO WA MUSAABAQAH (MASHINDANO) KATIKA TAMASHA LA ELIMU

  HUYU NI MTOTO YUSUF FAISAL MSHINDI WA JUMLA AKIWA NA MAMA YAKE BI SALMA YUSUF FATAKI MUDA MFUPI BAADA YA KUTANGAZWA MSHINDI NA KUKABIDHIWA ZAWADI ZAKE.

  HAWA NI WANAFUNZI WAKIFIKISHA UJUMBE KWA NJIA YA NGONJERA.

 HAWA NI SEHEMU YA WAZAZI NA WANAFUNZI WALIOHUDHURIA TAMASHA LA ELIMU.