~ Munira Blog

ELIMU NI UHAI WA UISLAMU-

SHEIKH BASSALEH.

TUSIBAGUE ELIMU,
KATIKA UISLAM HAKUNA U-KIHIYO

Na mwandishi wa munirablog.

Imeelezwa ya kwamba katika zama zilizo pita waislamu waliutawala ulimwengu wote kutokanana wao kutobagua elimu.

Hayo yamesemwa jioni hii na Imamu mkuu wa Msikiti wa Idrissa Sheikh Ally Bassaleh (maarufu kwa jina la mzee wa kunukuu) alipokuwa akiwanasihi wazazi na waislamu waliohudhuria katika Tamasha la Elimu kwa wanafunzi wa Madrsat Mus-ab Bin Umayr ya Sinza Uzuri Manispaa ya Kinondoni Jijini Dar esalaam.

Akinukuu maneno matukufu ya Mtume S.A.W. Sheikh Bassaleh alisema "Elimu ni Uhai wa Uislamu ndiyo maana Mtume akasema tena Elimu ni kama mnyama aliyekupotea,popote utakapo mkuta,basi mchukuwe" mwisho wa kumnukuu.

Aliendelea kusema siri ya waislamu wa zama zilizopita ni kwamba wao hawakubagua elimu gani wasome na elimu gani wasisome,ndiyo maana kwa utaratibu huo waliweza kuutawala ulimwengu kwa kiasi kikubwa sana,lakini baada ya kuja wakoloni wakaanza kutusambaratisha kidogo kidogo na kutunyang'anya elimu hiyo na hatimaye kuwafanya baadhi ya wislamu kutilia mkazo elimu ya dini pekee.

Akitoa mfano wa maneno na wa michoro alisema,"hili somo la hesabati (Aljebra) limeanzishwa na waislamu,walichokifanya upande wa pili niwao kutunyang'anya na kubadilisha kisha kuboresha namba kadha na kujifanya kwamba wao ndiyo wenyewe" huku akionyesha kwa michoro namba mbili na namba tatu za kiarabu namna zilivyogeuzwa na kuwa namba mbili na namba tatu za kizungu.

Sasa ikiwa uislamu unahimiza kusoma pasipo kubagua elimu na ikiwa waislamu wanaongozwa na Qur an ambayo imeitangulia sayansi kwa umbali mkubwa,basi hakuna sababu ya sisi kutokusoma elimu nyengine.

"Leo hao wapinzani wa uislamu wanakiri bayana kwamba Qur aan ni kitabu chenye ukweli na elimu ya hali ya juu sana na kinaendana na sayansi ,sisi tuna waambia kwamba Qur aan ipo mbele ya Sayansi kwa masafa marefu sana" alisema..

Alimtaja mmoja wa mabingwa wa Sayansi Ulimwenguni Bwana Morris Bucayr ambaye ni Mfaransa ya kwamba alikiri kupitia kitabu chake cha ukweli kuhusu Bibilia,Qur aan na Sayansi.

katika hafla hiyo mgeni Rasmi alikuwa Sheikh Yassir Salim ambaye ni Katibu Mkuu wa Taasisi ya Wanazuoni wa Kiislamu wa Tanzania (HAY-ATUL ULAMAA)

Madrasat Mus-ab Bin Umayr (ambayo inafanya vizuri sana katika nyanja ya elimu) ni moja katika madrasa zinazo simamiwa na kuendeshwa na taasisi ya DYCCC.

Hadi mwandishi wetu wa munirablog anaondoka katika Tamasha hilo bado lilikuwa linaendelea na tayari washindi walishatangazwa na kuzawadiwa,tuna ahidi kuwaletea habari na picha zaidi ya Tamasha hilo Inshaa Allaah