Kampeni za kuisusia Israel zapamba moto duniani

Kampeni ya kimataifa ya kuususia utawala wa Kizayuni wa Israel kutokana na jinai na mauaji ya kinyama uliofanya katika vita dhidi ya Ukanda wa Gaza inazidi kupata nguvu kwa kutolewa wito wa kufanikisha kampeni hiyo kutoka pembe mbali mbali za dunia.

Harakati inayojulikana kama Ususiaji, Upunguzaji na Uwekaji Vikwazo (BDS) imesisitiza kuendeleza kampeni hiyo ikiamini kwamba njia kuu ya kukomesha jinai na uchokozi wa Israel dhidi ya Palestina ni kuususia utawala huo haramu. 

Katika upande mwengine wananchi wa Jordan wametoa wito wa kususiwa bidhaa za utawala wa Kizayuni kutokana na mashambulio yake ya kinyama dhidi ya Wapalestina wa Ukanda wa Gaza. 

 Chama cha Wafanyabiashara na waagizaji bidhaa nchini Jordan kimetoa wito wa kususiwa bidhaa na bandari za Israel ikiwa ni hatua ya kulalamikia jinai za utawala huo ghasibu dhidi ya wakaazi wasio na ulinzi wa Ukanda wa Gaza. 

Wakati huohuo wajumbe wa vyama vya wafanyabiashara, viwanda na kilimo huko Palestina wamezitaka sekta za biashara na viwanda kuingiza bidhaa za Jordan katika masoko ya Palestina badala ya bidhaa za Israel…/