Mahujaj wa Ahlu Da'awa Kuondoka Leo.

 Al haj Abdallah Saleh Mazrui Hoko ambaye ni Mkurugenzi wa AHLU DAAWA HAJJ AND TRAVELLING AGENCY,alipokuwa anazungumza na munira blog leo hii.

kundi la mwisho la Mahujaji wa Taasisi ya AHLU DAA'WA linaondoka leo usiku.

Hayo yamesemwa Asubuhi ya Leo hii na mkurugenzi wa Ahlu Daa'wa Tawi la Tanzania bara Al haj Abdallah Saleh Mazrui Hoko alipokuwa anazungumza na munira blog.

Amesema "Al hamdu Lillaah,mwaka huu tuna safirisha mahujaji 170,na leo hii tunaondoka na watu 73 likiwa ni kundi la mwisho",alisema.

Aliongeza kusema kwamba "tumewakataa watu wengi kwa kuwa nafasi zetu zilijaa mapema tangu mwezi wa Ramadhan,na hii ina tokana na sisi kutoza gharama nafuu sana"

Mbali ya gharama kuwa nafuu lakini pia alisema huduma zao ni mzuri zaidi.

"Kundi letu litaanzia Makkah na tutamalizia Madina na tunataraji kuwasili hapa Tanzania tarehe moja mwezi wa Novemba majira ya saa kumi na mbili Alfajir"Mwisho wa kumnukuu Al haj Abdallah Hoko ambaye pia ndiye kiongozi wa msafara wa leo..

Ahlu Daawa inajishughulisha na Uwakala wa kuwasafirisha Waislamu kwa ajili ya ibada za Hijja na Umrah kwa gharama nafuu ambapo makao makuu ya Taasisi hii yapo Zanzibar na kwa upande wa Bara yapo Magomeni mapipa.

Munira blog inawatakia safari njema na ALLAH awakubalie Ibaada zao,Aamiin.

HII NI OFISI YA AHLU DAAWA HAJJ AND TRAVELLING AGENCY ILIYOPO MAGOMENI MAPIPA