HRW: Waislamu hawatendewi uadilifu nchini CAR

Mkurugenzi wa Shirika la Kutetea Haki za Binadamu la Human Rights Watch ameeleza kuwa hakuna uadilifu wowote wanaotendewa Waislamu katika nchi iliyokumbwa na mgogoro ya Jamhuri ya Afrika ya Kati. 

Philippe Bolopin, Mkurugenzi wa Human Rights Watch ameyasema hayo baada ya kurejea kutoka nchini humo.

Bolopin amesema kuwa, wiki iliyopita aliwaonyesha maafisa wa ngazi ya juu wa Jamhuri ya Afrika ya Kati, picha zilizokuzwa za mwanaume mmoja wa Kiislamu aliyekuwa akichomwa kisu na askari jeshi  hadi kuuliwa huko Bangui mji mkuu wa nchi hiyo na kuwauliza ni hatua zipi zinachukuliwa ili kuwafikisha mbele ya sheria watenda jinai?

 Amesema katika kujibu swali lake hilo, Mwendesha Mashtaka Mkuu wa Jamhuri ya Afrika ya Kati alimueleza kuwa, anayo majina ya wale wote waliohusika na mashambulizi ya Februari 5, lakini hakuna yoyote atakayewatia mbaroni.

Waislamu wamekuwa wakishambuliwa na kuuliwa ovyo na wanamgambo wa Kikristo wa Anti-Balaka licha ya kuwepo wanajeshi wa Umoja wa Afrika na Ufaransa huko Jamhuri ya Afrika ya Kati.