PACHA KUFANYIWA UPASUA WA HAJA KUBWA

 

PACHA Kudra Hamad aliyebaki hai baada ya kufanyiwa upasuaji wa kuwatenganisha na mwenzake, anatarajiwa kufanyiwa upasuaji wa njia ya haja kubwa.

Mama wa mtoto huyo, Pili Hija (24), aliliambia gazeti hili jijini Dar es Salaam jana kuwa madaktari wamemuambia mtoto huyo atafanyiwa upasuaji Alhamis wiki hii.

“Mwanangu anaendelea vizuri kwa sasa, nimeambiwa na madaktari kuwa watamfanyia upasuaji sehemu ya haja kubwa Alhamis,” alisema Hija.   Mtoto huyo aliokolewa na jopo la madaktari bingwa saba wa Hospitali ya Taifa Muhimbili (MNH) kwa kushirikiana na Taasisi ya Tiba ya Mifupa (Moi) katika upasuaji uliofanyika mwezi uliopita. Mtoto huyo alizaliwa bila kuwa na sehemu ya haja kubwa.

Hata hivyo, Ofisa Uhusiano wa Moi, Almas Jumaa alipopigiwa simu ili kuthibitisha kama mtoto huyo atafanyiwa upasuaji siku hiyo simu yake ilikuwa inaita bila kupokelewa.