"Watu wengi wameuliwa katika mapigano S/Kusini'

Umoja wa Mataifa umeeleza kuwa wafungwa wengi na raia wameuliwa katika mchafuko ya wiki mbili huko Sudan Kusini. 

Kikosi cha Umoja wa Mataifa huko Sudan Kusini (UNMISS) kimesema kuwa kimehesabu idadi kubwa ya viwiliwili na kwamba ukatili unaendelea kutokea nchini humo.

UNMISS imesema mauaji ya kiholela dhidi ya raia na wanajeshi waliokamatwa mateka yametokea katika maeneo tafauti ya Sudan Kusini kutokana na kuweko ushahidi wa kugunduliwa viwiliwili vingi vya wahanga wa ukatili huo huko Juba, mji mkuu wa Sudan Kusini na pia huko Malakal na Bor, miji mikuu ya majimbo ya Nile ya Juu na Jonglei.

Hilde Johnson Mwakilishi wa Umoja wa Mataifa huko Sudan Kusini pia amelaani ukatili huo uliotekelezwa dhidi ya raia wa jamii tafauti na wapiganaji wa pande zote mbili zinazohusika katika mgogoro wa sasa wa Sudan Kusini.