'Taifa la Syria hatimaye litawashinda wakufurishaji'

Waziri wa Wakfu wa Syria amesema kuwa nchi hiyo hatimaye itapata ushindi kwa kutegemea umoja na irada ya wananchi katika kukabiliana na wapinzani wake. 

Muhammad Abdulsatar al Said Waziri wa Wakfu wa Syria amesisitiza juu ya udharura wa kuweko umoja na mshikamano kati ya Waislamu na Wakristo ili kuweza kukabiliana na makundi ya ukufurishaji ya Kiwahabi yanayolenga matukufu ya Kiislamu na Kikristo.

Waziri wa Wakfu wa Syria  ameyasema hayo jana  katika Kanisa la Maryam huko Damascus mji mkuu wa Syria kwa mnasaba wa kusherehekea mwaka mpya wa 2014 Miladia.

   Habari zinasema kuwa makundi ya kigaidi hivi karibuni yamezidisha jinai zao huko Syria baada ya kushindwa vibaya katika kukabiliana na jeshi na vikosi vya kiraia nchini humo. 

Magaidi hao wanajaribu kutenda kila jinai zikiwemo za kuwaua ovyo raia wa Syria ili kuficha kushindwa kwao huko na jeshi la nchi hiyo