SHEIKH KONDO BUNGO AKIONGEA NA WAISLAMU JUZI KATIKA
VIWANJA VYA MWEMBE YANGA.
- AKUMBUSHIA KUKWAMA KWA MAHAKAMA YA KADHI NA OIC.
- SISI TUNAPUUZWA MAASKOFU WANASIKILIZWA
- MZIGO KUUBADILISHA BEGA SIO KUPUNGUZA UZITO BALI…..
Na
mwandishi wa wetu wa munira.
Waislamu
nchini wametakiwa kujitenga mbali na wale wote wanaowafanyia dhulma katika nchi
hii.
Hayo
yamesemwa juzi na Sheikh Kondo bungo alipokuwa anaongea na Waislamu katika
viwanja vya Mwembe Yanga vilivyopo Tandika Jijini Dar es salaam.
Amesema
hakuna sababu ya kuwakumbatia wale wanaotudhulumu haki zetu,wanaotupiga virungu
na risasi na wanao tuuwa pasipo hatia,kwani ni dhahiri hawatupendi na hatuna
thamani kwao.
“Serikali ya Chama
Cha Mapinduzi haina usikivu kwa Waislamu wa Tanzania ,imekuwa inatupuuza kila
kukicha madai,yetu yote wanatupilia mbali,lakini Serikali hii hii imekuwa mbele
kuwasikiliza Maaskofu na Mapadri hadi kufikia kufanya nao makubaliano ya
kuyapatia ruzuku Makanisa yote nchini Tanzania kila mwaka hali ya kuwa na
sisi (Waislamu) pia ni walipa kodi”.
Akitoa mfano zaidi
Shekh Kondo alisema “Waislamu tulidai Mahakama ya Kadhi kwa miaka mingi,CCM
ikaahidi ikiingia madarakani katika uchaguzi uliopita itarudisha Mahakama ya Kadhi,Maaskofu
na mapadri wakaipinga (japo wao haiwahusu) lakini Serikali hii ikafyata mkia na
hawajaitekeleza ahadi hiyo zaidi ya kuwasumbua na kuwafanya Masheikh wetu kama
watoto wadogo.Mbali ya hayo Waislamu tumedai kujiunga na OIC waziri wa nchi za
nje na ushirikiano wa kimataifa Bwana Bernad Membe akaliambia Bunge kwamba Wizara
yake imefanya utafiti kwa nchi nyingi imeona kujiunga katika OIC kutainufaisha
Tanzania na hakuna madhara yoyote,lakini maaskofu walipokataa na Serikali nayo
kupitia Bunge wakaondosha muswada huo Bungeni,sasa kwa nini sisi Waislamu
tuendelee kuikumbatia CCM? kwa taarifa yenu,Wakristo wote wameikimbia CCM na
wamejiunga na chcma chao,nanyi waislamu ondokeni CCM,chama cha kujiunga
mnakijuwa”alisema
bila ya kufafanua.
Aliendelea
kusema “ndugu zangu Waislamu hakuna haja
ya kung’ang’ania kuendelea kuongozwa na CCM kwani mzigo unapoubadili kutoka
bega moja hadi bega jengine,haimaanishi unapunguza uzito,bali ni kuongeza nguvu
ya kupata kasi ya kutembea zaidi,naomba harakati za mwaka 2015 tuzianze sasa”alisema
Sheikh Bungo.
HAWA NI SEHEMU YA WAUMINI WA KIISLAMU
