ZEC yaibana mbavu CUF uchaguzi wa marudio

Ofisi ya CUF Jimbo la Wingwi Pemba, ikiwa imechomwa moto na watu wasiojulikana. Picha na Mpiga picha Wetu

By Hassan Ali na Salma Said, Mwananchi

Zanzibar. Tume ya Uchaguzi ya Zanzibar (ZEC), imeiandikia barua CUF, kuitaka kuwasilisha majina ya mawakala watakaosimamia uchaguzi wa marudio uliopangwa kufanyika visiwani hapa Machi 20, mwaka huu.

Hata hivyo, CUF wameendelea na msimamo wao wa kutotambua uchaguzi huo na kuitaka ZEC  iache kutapatapa, wakati walishaijibu kuwa hawatashiriki uchaguzi huo.

Mwenyekiti wa makatibu wa CUF wa wilaya 10 za Zanzibar, Hamad Masoud Hamad  ambaye ndiye aliyeandikiwa barua hiyo na ZEC, alisema wanashindwa kuielewa tume hiyo kwa kitendo chao cha kukitaka chama hicho na vyama vingine vishiriki uchaguzi huo kwa madai kuwa ni batili.

“Tunashindwa kuwaelewa ZEC, hivi wanachokitaka kwetu sisi ni nini haswa, tuliwaambia na barua tuliwaandikia kuwa hatutashiriki uchaguzi wa batili.