USA yazidi kukingia kifua uchafu wa liwati na usagaji

Mara baada ya serikali ya Uganda na nchi nyingine duniani kupitisha sheria kali dhidi ya watu wanaojihusisha na ngono za jinsia moja, Marekani imeanzisha mkakati mpya wa kukabiliana na kile inachodai kuwa ni hatua dhidi ya haki za binadamu.

 John Kerry, Waziri wa Mambo ya Nchi za Nje wa Marekani ameifananisha kuwa ni dhidi ya Uyahudi na ubaguzi sheria kali iliyowekwa na Uganda dhidi ya wanaolawitiana na wanasagana  na kutaka  serikali ya Kampala iifute sheria hiyo haraka iwezekanavyo. 

Kerry amesisitiza kuwa ni makosa kuchukua hatua nyepesi za kidiplomasia dhidi ya sheria zinazopiga marufuku vitendo vya liwati na usagaji barani Afrika. 

Waziri wa Mambo ya Nchi za Nje wa Marekani ameongeza kuwa, Washington inakusudia kutoa amri kwa balozi zote za nchi hiyo ulimwenguni kuanza kuchunguza changamoto zinazohusiana na kadhia hiyo.

 Inafaa kuashiria hapa kuwa, kuna nchi zisizopungua 80 duniani ambazo zimepiga marufuku vitendo vichafu vya liwati na usagaji, na watu wanaopatikana na hatia wanaadhibiwa adhabu ya vifungo mbalimbali.