8 wafa, 45 wajeruhiwa katika mtetemeko wa ardhi Iran

Watu 8 wamefariki dunia na wengine 45 kujeruhiwa, katika mtetemeko wa ardhi wa kiwango cha 5.7 kwa kipimo cha rishta, ulioukumba mkoa wa Bushehr wa kusini mwa Iran. 

Mkuu wa Idara ya Kukabiliana na Majanga ya Kimaumbile hapa nchini, Bwana Muhammad Taqi Twalibiyan amethibitisha habari hiyo na kuongeza kuwa, mtetemeko huo ulitokea jana saa 11 na dakika 21 jioni kwa majira ya mkoa huo. 

Tayari majeruhi wamepelekwa hospitalini kwa ajili ya matibabu, huku gari 25 za kubebea wagonjwa zikiwa zimepelekwa eneo la tukio ili kutoa huduma. 

Awali hapo jana Mkuu wa Kitengo cha Kukabiliana na Majanga nchini Iran alikuwa ametangaza habari ya kufariki dunia watu 7 na wengine 30 kujeruhiwa katika tetemeko hilo.