37 wauliwa na watu wenye silaha katikati mwa Nigeria

Jeshi la Nigeria limeripoti kuwa watu 37 wameuliwa katika jimbo la Plateau baada ya watu wenye silaha wasiofahamika kuvishambulia vijiji vinne katikati mwa nchi hiyo. 

Mauaji hayo yalifanywa jana asubuhi katika eneo la Barkin Ladi katika jimbo la Plateau. 

Salisu Mustapha msemaji wa polisi katika jimbo la Plateau amesema kuwa washambuliaji hao walikimbia katika eneo hilo baada ya vikosi vya usalama kuwasili hapo. 

Hadi sasa polisi imeshindwa kutambua ni kundi gani lililotekeleza mauaji hayo, hata hivyo jimbo la Plateau limekuwa likilengwa pia na mashambulizi ya kundi la Boko Haram, kundi ambalo limekuwa likifanya mashambulizi ya umwagaji damu huko kaskazini mwa Nigeria.